Հանրային խորհրդի նախագահ

Ստյոպա Սաֆարյան

ԿԵՆՍԱԳՐՈՒԹՅՈՒՆ

Ծնվել է 1973 թ. հոկտեմբերի 7-ին Տավուշի մարզի Ոսկևան գյուղում:

1995 թ. ավարտել է Երևանի պետական համալսարանի երկրաբանական ֆակուլտետը:

1997 թ. ավարտել է ՀՀ կառավարման դպրոցի (այժմ՝ ՀՀ Պետական կառավարման ակադեմիա) պետական կառավարում և տեղական ինքնակառավարում ֆակուլտետը:

1999 թ. ավարտել է Երևանի պետական համալսարանի երկրաբանական ֆակուլտետի ասպիրանտուրան։

Անգլիայի Յորքի համալսարանում ստացել է հակամարտությունների լուծում և քաղաքագիտություն մասնագիտացումը:

1993-1994 թթ. աշխատել է ՀՀ կառավարությանն առընթեր սեյսմիկ պաշտպանության ազգային ծառայությունում՝ որպես հերթապահ սեյսմոլոգ:

1995-2000 թթ.` ծառայության դինամիկ երկրաֆիզիկայի բաժնի մասնագետ, սեկտորի վարիչ, ապա բաժնի վարիչ:

1998-2002 թթ. աշխատել է ՀՀ կառավարման ակադեմիայում՝ իբրև «Պետական կառավարման և տեղական ինքնակառավարման քաղաքական հիմունքներ», «Պետական կառավարման և տեղական ինքնակառավարման իրավական հիմունքներ» կրթաբլոկների ղեկավարի տեղակալ և ասիստենտ:

2002-2004 թթ. աշխատել է Ռազմավարական և ազգային հետազոտությունների հայկական կենտրոնում՝ իբրև իրավական և քաղաքական հարցերով փորձագետ, 2004-2005 թթ.` հետազոտությունների համակարգող, 2005-2007 թթ.` հետազոտությունների ղեկավար:

2007 թ. մայիսի 12-ին Ազգային ժողովի պատգամավոր է ընտրվել համամասնական ընտրակարգով «Ժառանգություն» կուսակցությունից։ 2007-2009 թթ.՝ «Ժառանգություն» խմբակցության քարտուղար։

2009-2012 թթ.՝ «Ժառանգություն» խմբակցության ղեկավար։

2012 թ. հունիսի 2-ին ընտրվել է «Ժառանգություն» կուսակցության վարչության գլխավոր քարտուղար։

2013 թ. «Բարև Երևան» խմբակցության համամասնական ցուցակով ընտրվել է Երևանի ավագանու անդամ:

2014 թ. հիմնադրել և ղեկավարել է Միջազգային և անվտանգության հարցերի հայկական ինստիտուտը:

Հարյուրավոր հոդվածների, տասնյակ գրքերի, դասագրքերի հեղինակ (համահեղինակ) է:

2019 թ. մարտի 29-ին ՀՀ վարչապետի առաջարկով ՀՀ կառավարության կողմից նշանակվել է Հանրային խորհրդի անդամ:

2019 թ․ դեկտեմբերի 19-ին ՀՀ վարչապետի առաջարկով ՀՀ կառավարության կողմից նշանակվել է Հանրային խորհրդի նախագահ։