ԳԱԳԻԿ ԳԻՆՈՍՅԱՆ
ԿԵՆՍԱԳՐՈՒԹՅՈՒՆ
Ծնվել է 1966 թվականի օգոստոսի 3-ին Ախալցխա քաղաքում։
1972-1982 թվականներին սովորել է Ախալցխայի №3 հայկական միջնակարգ դպրոցում, ապա ընդունվել և ավարտել Երևանի պոլիտեխնիկական ինստիտուտը («Տեխնիկական կիբեռնետիկա» ֆակուլտետի «Ավտոմատիկա և հեռուստամեխանիկա» բաժին)։
1995-1996 թվականների ընթացքում ավարտել է Խորհրդային Միության Մարշալ Շապոշնիկովի անվան «Վիստրել» Բարձրագույն սպայական դասընթացը՝ ստանալով «Գնդի և Բրիգադի հրամանատարի» որակավորում։
1985-1987 թվականներին ծառայել է ԽՍՀՄ բանակում։
Մասնակցել է Արցախյան ազատամարտին։ Մասնակցել է Մարտակերտի, Ասկերանի, Մարտունու, Լաչինի, Քարվաճառի ազատագրական մարտերին։ Ազատագրական մարտերի ժամանակ ոչնչացրել է թշնամու 2 տանկ։
1994 թվականից ծառայել է ՀՀ զինված ուժերում` որպես սպա։
1994-1996 թվականներին ծառայել է ՀՀ ԶՈՒ հատուկ նշանակության առանձին գումարտակում։
1995-1996 թվականներին սովորել և ավարտել է Մոսկվայի մարշալ Շապոշնիկովի անվան դաշտային ռազմական ակադեմիան՝ ստանալով գնդի և բրիգադի հրամանատարի որակավորում։
1996 թվականին զորացրվել է ՀՀ ԶՈՒ շարքերից։
2001-2008 թվականներին աշխատել է Պեյո Յավորովի անվան № 131 միջնակարգ դպրոցում՝ որպես զինղեկ։
1996-1999 թվականներին աշխատել է Գյումրու «Շանթ» հեռուստառադիոընկերության երևանյան գրասենյակում՝ որպես տնօրեն։
Հիմնադրել և ղեկավարում է «Կարին» ավանդական երգի-պարի խմբակը:
1987 թվականից սկսել է պարել Հայրիկ Մուրադյանի ստեղծած «Վան» ազգագրական խմբում։ 1987-2001 թվականներին «Վան», «Անդովկ», «Ակունք» խմբերի համերգային ծրագրերի շրջանակներում մասնակցել է արտերկրյա մի շարք շրջագայությունների և դարձել 4 տարբեր միջազգային փառատոնների դափնեկիր։
2001 թվականին հիմնադրել է «Ծովակ» և «Կարին» ավանդական երգի-պարի խմբերը։
Այցելելով գյուղեր՝ գրի է առել բազմաթիվ պարերի նկարագրություններ՝ վերականգնելով 36 պար։
2007 թվականին հիմնել է «Ազգագրության թատրոնը» և իր ղեկավարած «Կարին» ավանդական երգի-պարի խմբի հետ բեմադրել իր հեղինակած 3 ներկայացում։
2010 թ․ հանդիսանալով «Հայ ասպետ» կրթադաստիարակչական հիմնադրամի հայ ավանդական պարի փորձագետ՝ հեղինակել է Հայկական պարի առաջին DVD-պարուսույցը։
«Ինստիգեյթ» կազմակերպության կողմից ստեղծված Սրբուհի Լիսիցյանի Կինետոգրաֆիայի (շարժումների գրառում) համակարգի՝ պարերի գրառման համակարգչային «Կաքավագիր» ծրագրի համահեղինակն է (2014)։
Ազգային պարը ՀՀ հանրակրթական համակարգ ներդնելու՝ «Ազգային երգ ու պար» առարկայի ծրագրի հեղինակն է (2014)։
Հայաստանի անկախության 20-ամյակի կապակցությամբ ՀՀ նախագահի հրամանագրով արժանացել է ՀՀ մշակույթի վաստակավոր գործիչ կոչման։
Տարբեր տարիների արժանացել է ՀՀ պետական, գերատեսչական և այլ կարգի բազմաթիվ պարգևների:
2018 թ. ՀՀ վարչապետի առաջարկով կառավարության կողմից նշանակվել է Հանրային խորհրդի անդամ: