"Կուտակային կենսաթոշակների մասին" ՀՀ օրենքը քննարկելու նպատակով Հանրային խորհրդում ստեղծվել է աշխատանքային խումբ

ՀՀ Հանրային խորհրդի նոյեմբերի 11-ի լիագումար նիստի ժամանակ ՀԽ անդամ Արմեն Տեր-Տաճատյանը բարձրացրել է "Կուտակային կենսաթոշակների մասին" ՀՀ օրենքի հետ կապված հասարակական դժգոհության հարցը՝ առաջարկելով այն քննարկել Հանրային խորհրդում:

"Կուտակային կենսաթոշակների մասին" ՀՀ օրենքի խնդրահարույց դրույթների վերաբերյալ մասնագիտական և հանրային քննարկումներ անցկացնելու նպատակով ստեղծվել է աշխատանքային խումբ, որի կազմում են Հանրային խորհրդի անդամներ Արմեն Տեր-Տաճատյանը, Վազգեն Սաֆարյանը և Հայկ Սարգսյանը: